An kama jami'an yan sanda da ke da hannu a maguɗin zaɓe a jihar Rivers asirin su ya tuno.

 An kama jami'an yan sanda da ke da hannu a maguɗin zaɓe a jihar Rivers

Rundunar ƴan sandan jihar Rivers ta sanar da kama wasu jami'anta uku bayan da suka bayyana a wani bidiyo da ya karaɗe shafukan sada zumunta wanda ya nuna suna da hannu a maguɗin zaɓe.

Bidiyon ya nuna jami'an ƴan sandan da ke bakin aiki a lokacin zaɓen cikin wata mota mai lamba "RRT O50".

Sanarwar da kakakin rundunar, SP Garce Iringe-Koko ta fitar ta ce an kama motar domin gudanar da bincike.

Rundunar ta kuma bai wa al'ummar Rivers tabbacin ci gaba da aikinta na tabbatar  neda doka da oda da kuma tabbatar da cewa an hukunta waɗanda aka samu da aikata ba dai-dai ba.

Rundunar ta kuma buƙaci al'umma su kwantar da hankalinsu su kuma dakaci sanarwar sakamakon zaɓe a hukumance.